J.S. Niehoff ien Nijsblad van 1964 over Simon van Wattum

J. S. Niehoff schreef ien t Nijsblad van 31 oktober 1964 n recensie over de bundel 'Wachtwoorden' van Simon van Wattum. Is nog aal schier om te lezen. Klik op ploatje veur n oetvergroten. Hier kinnen je haile kraant lezen. Recensie staait op bladziede 27.

Aly Freije leest 'Psaalms vangen'

1 juni ainakter 'Baargtoal' ien de Nieuwe Kerk ien Stad

De ainakter 'Mountain Language' van Harold Pinter is deur Klaas Knillis Hofstra vertoald ien t Grunnegs. t Stuk hait nou Baargtoal. Vrijdag 1 Juni wordt dizze ainakter opvoerd ien de Nieuwe Kerk ien stad Grunnen.

t Stuk is inspireerd deur n raais dij Pinter maik noar Turkije, woar de koerden 'Baargturken' neumd worden. t Stuk gaait nait over Turken en Koerden, mor over verboden toalen; deur de geschiedenis hin binnen der overaal ien wereld toalen verboden.

'Heur goud. Joe binnen baargvolk. Heuren joe mie? Joen toal is dood. Zai is verboden. t Is nait toustoan om joen baargtoal op dit stee te proaten. Joe kinnen joen toal nait proaten tegen joen mannen. t Is nait toustoan. Begriepen joe? Joe magen heur nait proaten. Zai is boeten de wet steld. Joe magen allain toal proaten van stad. Dat is d'ainegste toal toustoan op dit stee. Joe zellen zwoar straft worden as joe pebaaiern joen baargtoal te proaten op dit stee. Dit is n militair vonnis. t Is de wet. Joen toal is verboden. Zai is dood. Gainent is toustoan joen toal te proaten. Joen toal bestaait nait laanger. Nog vroagen?'

De speulers binnen: Betty Wieringa, Dennis Mulder, Doeke Oosting, Gerard Hilbrants, Johan Poelstra en Kirsten Zeef.

Dizze ainakter wordt speuld ien t koader van het Festival van de Geest. Meer informoatsie op

 www.festivalvandegeest.nl

Plek: Nieuwe Kerk, Nieuwe Kerkhof 1, Groningen
Vrijdag 1 juni om 20.00 uur
Entree: Vergees

t Ol Stee van Bert Hadders [20-5-2012]

Weer veul Grunnegs dit weekend!

ZODDERDAG 19 MAAI:

De Stroatklinkers op t European World of Bluegrass Festival ien Voorthuizen.

Bert Hadders en de Nozums ien Locatietheater Geluk ien Zuidwending.

Erwin de Vries ien Geert Teis Theater Stadskanaal.

Jan Henk de Groot duo-optreden Hek van de Dam ien Ekehaar.

Rika Dijkstra en Harry Niehoff mit t Veenkoloniaal Symfonie Orkest. Openluchtconcert Veendam.

ZUNDAG 20 MAAI:


Klassiek op het Platteland. o.a. Een muzikaal poëtisch optreden met Aly Freije, dichteres, Janneke Renkema, zang, Nienke Wissema, piano en accordeon  

En twij Grunneger kerdainsten: Ien Kraiwerd en Noordloaren

Bert Hadders en de Nozems op RTV Blauwe Stad

Vanoavend Pé & Rinus mit Bloazers & Striekers op RTV Noord

Pé & Rinus traden ien feberwoarie veur t eerst ien heur carrière op mit n groot orkest; het Noordpool Orkest. Vanoavend vanof 18.15 uur zendt RTV Noord dit concert oet. Lees meer...

Grondschoul De Wilgenstee winnoar priesvroag KLUNDERLOA!

Op 16 maai wer Grondschoul De Wilgenstee ien Zeeriep winnoar van de priesvroag veur mainst originele ienzenden over t gebruuk ien klas van de website www.klunderloa.nl . Pries was n grode deus vol mit Grunnegstoalege kienderbouken, pries wer oetlangd deur Henk Scholte van t Huis van de Groninger Cultuur.

Op 1 jannewoarie dit joar ging website van KLUNDERLOA ien lucht. Onder de noemer 'Grunnegs veur grondschoulen' baidt de site (les)materioal aan ien de Grunneger toal veur kiender tot 12 joar. De site wordt geregeld aanvuld mit nij materioal.

De Wilgenstee het mit n serie foto's zain loaten hou enthousiast kiender en leerkrachten aan loop binnen ien klas mit de Grunneger toal. Nait enkeld de nije website KLUNDERLOA wordt doarbie bruukt, mor ook biev. de leskisten mit allerlei materioal over de Grunneger cultuur dij te lain binnen bie t Huis van de Groninger Cultuur.

Op de site van KLUNDERLOA vindt men verhoalen, gedichten, laidjes, filmkes, roadsels enz. veur gebruuk ien klas. Bie veul items zitten lessuggesties om t gebruuk veur docenten makkelk te moaken. Ale items binnen iendaild ien groepen: 1-2 3-4 5-6 7-8, noar vörm: laidjes, verhoalen enz. en noar thema's: algemain, seizoenen en feestdoagen, wat t zuiken noar geschikt materioal makkelk moakt.

Nait allain veur schoulen, mor ook veur pabbes, moekes, opa's en oma's en veur kiender zulf is de site www.klunderloa.nl geschikt.

Zeker is dat ien elks geval De Wilgenstee ien Zeeriep veul plezaaier beleeft aan KLUNDERLOA!

Muziekveurstellen 'De Nieuwe Man' zingt 'Achter de diek'

Tiedens t evenement De rode loper ien Appingedam op 12 maai was der n veurproefke te heuren van de muziekveurstellen De Nieuwe Man Ad-just Bouwman en drij jonge figuranten zingen t laid 'Achter de diek'.

n Prachtege lokoatsie ien t Grunneger laand bie Appingedam wordt t decor veur De Nieuwe Man. t Stuk is baseerd op t gelieknoamege bouk van Thomas Rosenboom. Van 30 maai t/m 16 juni binnen hier ien totoal twaalf veurstellens ien open lucht te zain. t Is t verhoal over n scheepsbaauwer, dij bebaaiert zien waarf en zien familie deur zwoare tieden te loodsen.

Eltje Doddema over 'Goud'

Elke week behandelt Eltje Doddema n Grunnegs woord op zien webstee. Ditmoal t woord 'Goud'.

Zendamateurs op meulen De Onrust

Plattdeutscher Literaturwettbewerb - Johann-Friedrich-Dirks-Preis

Het kultuurburo van Stadt Emden het n nije literaire pries oetschreven: de Johann-Friedrich-Dirks-Preis. t Liekt derop dat Grunneger schrievers ook waark iensturen kinnen. Ze langen twij priezen oet.

Ain pries veur schrievers older as 20 joar woarbie t themoa is: 'Well weet, waar 't gaud för is'. En der is n apaarte pries veur kiender en jongern tot 20 joar, mit as themoa: 'Ik gah as dör en Wunner'. Dizze regel komt oet n gedicht van Johann Friedrich Dirks. Bie kiender kinnen ook groepen en schoulklazzen mitdoun. Poëzie en proza kin ienstuurd worden, mor ook fragmenten van theoaterstukken en heurspeulen. Kiender en jongern kinnen ook n korde film iensturen of gebruuk moaken van de nije media. Je hemmen tot 30 september om waark ien te sturen. Kiek hier veur wiedere informoatsie. Hier is ook t gedicht te lezen.

Leef t leven - Erwin de Vries en band bie Evelyn Novacek ien Hoogezaand

Jan Siebo Uffen zodderdag en zundag ien Oskert

Ain van de leukste festivals ien pervinzie Grunnen is 'Usquert Monumentaal'. Dit festival wordt aankommend weekend 12 en 13 maai weer holden, veur daarde moal. Oskert is n mooi dörp mit veul prachteg gerestaureerde arbaaidershoeskes en kapitoale renteniervilloa's en vanzulf t ainege deur Berlage ontworpen gemaintehoes ien Nederland. Kommend weekend kinnen je ien Oskert weer genieten van kunst, muziek en poëzie. Bieveurbeeld Jan Siebo Uffen dij veurleest ien de mooie toen van Jobke Nainhoes. Zodderdag om 14.00 uur en 15.30 uur en zundag om 13.00 uur en 14.30 uur. Wadwerderweg 5. Op website kinnen je pergram van baaide doagen ophoalen as pdf.

Foto: Jan Glas

Groningsch Radio-uurtje

n Berichtje oet t Nijsblad van t Noorden van 28 juni 1932. Toun waren der nog Grunneger Radio-uurtjes op de landelke radio (Hilversum). Oetzenden van  2 juli, wer verzörgd deur Jacob Rietema en Jelte Dijkstra, twij redakteuren van 't Maandblad Groningen. 't Maandblad Groningen was van 1918-1949 n Grunnegs cultureel tiedschrift. Eerste hoofdredakteur was Geert Teis.

Jan Glas - Overstap Nij-Schaans

Clip is moakt ien 2004 deur Wilma Fritsma.

Mörn 6 maai Daip River ien Kerk Termunten om 14.00 uur

Kiek hier veur meer informoatsie

Vanoavend Voorheen de Bende mit Pazzipanten op Podium Noord van Bevrijdingsfestival

Vanoavend op Podium Noord van t Bevrijdingfestival ien Stadspaark treedt Voorheen de Bende mit Pazzipanten op om 18.30 uur. Van Grunneger Bloarkop tot Bie de Lidl... Komt Allen! Kiek hier veur meer informoatsie en clips.

Kienderbiebel ien t Grunnegs

Dit noajoar verschient de Kienderbiebel ien t Grunnegs!

De Kienderbiebel is n dik prentebouk mit biebelverhoalen. De korde verhoalen binnen ainvoudeg en aansprekend verteld, ien Grunnegs van dizze tied en ofstemd op kiender van 4 - 7 joar. Geschikt om veur te lezen en zulf te lezen. Uniek is dat ter n Luusterbouk bie zit. De waarme en kleurrieke ofbeeldens binnen moakt deur Marijke ten Cate en loaten ook details zain dij nait ien de tekst veurkommen. Zo vertellen tekst en ofbeelden soamen t verhoal - ze vullen nkander aan.
Veur volwazzen is achterien n historische schets en n begrippenliestje opnomen.

Dit prachteg gebonden bouk van 280 bladzieden is n schier initiatief om zowel de Grunneger toal as de prachtege biebelverhoalen (weer) onder de aandacht te brengen van kiender, olders en grootolders.

As der genog minsen ientaiken zel Kienderbiebel dit noajoar verschienen.

De Kienderbiebel ien t Grunnegs is n initiatief van Boukhandel Riemer en is din ook allenneg doar te verkriegen. De Kienderbiebel wordt deur Riemer oetgeven ien soamenwaarken mit t Nederlands Bijbelgenootschap, Uitgeversgroep Jongbloed en de Liudgerstichting. De vertoalers binnen: Marten van Dijken, Tonnis Musschenga, Janka Rubingh, Fré Schreiber en Sies Woltjer.

Ientaikenpries tot 31 maai € 29,95. Doarnoa € 34,95.

Meer informoatsie op www.kinderbiebel.nl

'Elvis, Keuning Van De Bunermond' clip van Bert Hadders en de Nozems